مروه الشربينى
بنت وطنى ودينى
كَتَبِت بدمها
حكاية هوانى وتهوينى
فضحت دموع الذل
فى عيونى
كشفت نظرات الضعف
فى خنوعى
دمها بيسأل
تارى فى رقبتهم
ولا فى رقبة اللى ح ينسونى
مروه
يا شهيدة العفه والحجاب
اصرخى
مين فينا عنده ارهاب
اللى بيدافع عن أرضه
ولا اللى بيقتل بلا اسباب
لو جرحنا صباع ليهم
ينفتح لنا ألف حساب
ولما يقتلونا
نكتم بُكانا بكف العذاب
ونصرخ
بعد ما نقفل علينا الباب
محظور ينسمع صواتنا
محظور نتهم اسيادنا
محظور نهش من طريقنا الكلاب
أو نكون شُجعان
فقط نؤمن أن لكل أجل كتاب
مروه
خرس جوانا الكلام
بلعنا اللسان
واللى قتلك مجنون
وحجابك عدو السلام
وحنا ولا نستحق الأسلام
ولا نستحق يكون لنا مبدأ
طول ما حنا بندَور مين يبدأ
طول ما بنخبى صوابع الاتهام
مروه
لو كنتى المانيه
والقاتل مُسلم
مين منا كان ح يسلم
ديتك ح تكون كام وطن
وكام إساءة
وكام تحقيق
وكام مليون قاضى يحكم
على كل من كان مسلم
حتماً هو مُجرم
مروه
يا شهيدة العفه
يا ضحية الخسه
عزانا تكونى رسالة أمه
لا حول لها ولا قوه
رساله رقيقه بمنتهى القسوه
رساله عميقه مختصره
تنصف القلوب المنكسره
اتوضى بِدَمِك الطاهر
واتكفنى بسرتِك العطره
عليكى ألف رحمه
وعلينا ألف حسره
مروه
للأسف
معندناش غير الأسف
ولطم الخدود
وشق الجيوب
ولبس الاسود
ع العمر اللى اتقصف
يا شهيدة العفه والحجاب
ادعلنا
ان الهوان ما ياكُلنا
ان الخوف ما يقتلنا
ادعلنا
دعوة تقعد لولادنا
ومتأخذيناش
احنا قبلك متنا
احنا قبلك متنا
................
عبد المنعم حسين
5 / 7 / 2009
بنت وطنى ودينى
كَتَبِت بدمها
حكاية هوانى وتهوينى
فضحت دموع الذل
فى عيونى
كشفت نظرات الضعف
فى خنوعى
دمها بيسأل
تارى فى رقبتهم
ولا فى رقبة اللى ح ينسونى
مروه
يا شهيدة العفه والحجاب
اصرخى
مين فينا عنده ارهاب
اللى بيدافع عن أرضه
ولا اللى بيقتل بلا اسباب
لو جرحنا صباع ليهم
ينفتح لنا ألف حساب
ولما يقتلونا
نكتم بُكانا بكف العذاب
ونصرخ
بعد ما نقفل علينا الباب
محظور ينسمع صواتنا
محظور نتهم اسيادنا
محظور نهش من طريقنا الكلاب
أو نكون شُجعان
فقط نؤمن أن لكل أجل كتاب
مروه
خرس جوانا الكلام
بلعنا اللسان
واللى قتلك مجنون
وحجابك عدو السلام
وحنا ولا نستحق الأسلام
ولا نستحق يكون لنا مبدأ
طول ما حنا بندَور مين يبدأ
طول ما بنخبى صوابع الاتهام
مروه
لو كنتى المانيه
والقاتل مُسلم
مين منا كان ح يسلم
ديتك ح تكون كام وطن
وكام إساءة
وكام تحقيق
وكام مليون قاضى يحكم
على كل من كان مسلم
حتماً هو مُجرم
مروه
يا شهيدة العفه
يا ضحية الخسه
عزانا تكونى رسالة أمه
لا حول لها ولا قوه
رساله رقيقه بمنتهى القسوه
رساله عميقه مختصره
تنصف القلوب المنكسره
اتوضى بِدَمِك الطاهر
واتكفنى بسرتِك العطره
عليكى ألف رحمه
وعلينا ألف حسره
مروه
للأسف
معندناش غير الأسف
ولطم الخدود
وشق الجيوب
ولبس الاسود
ع العمر اللى اتقصف
يا شهيدة العفه والحجاب
ادعلنا
ان الهوان ما ياكُلنا
ان الخوف ما يقتلنا
ادعلنا
دعوة تقعد لولادنا
ومتأخذيناش
احنا قبلك متنا
احنا قبلك متنا
................
عبد المنعم حسين
5 / 7 / 2009
